യൂട്യൂബിൽ ട്രെൻഡിങ് ആയി ‘കൂൺ’ സിനിമയിലെ ഗൗരിലക്ഷ്മിയും യാസിൻ നിസാറും ആലപിച്ച ഗാനം. പുതുമുഖങ്ങളായ ലിമൽ, സിതാര വിജയൻ എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിലെ ഗാനങ്ങൾ സരിഗമ മ്യൂസിക് പുറത്തിറക്കി.
ഗോൾഡൻ ട്രംപറ്റ് എന്റർടെയ്ൻമെന്റ്സിന്റെ ബാനറിൽ അനിൽ കുമാർ നമ്പ്യാർ നിർമിച്ച് പ്രശാന്ത് ബി മോളിക്കൻ സംവിധാനം ചെയ്യുന്ന കൂൺ സെപ്റ്റംബർ 27ന് തിയേറ്ററുകളിൽ പ്രദർശനത്തിനെത്തും. യാരാജെസ്ലിൻ, മെറിസ, അഞ്ജന, ഗിരിധർ കൃഷ്ണ, അനിൽ നമ്പ്യാർ, സുനിൽ സിപി, ചിത്രാ പ്രശാന്ത് എന്നിവരും ചിത്രത്തിൽ അഭിനയിക്കുന്നു.
അന്തരിച്ച നടി ലക്ഷ്മിക സജീവൻ അവസാനമായി അഭിനയിച്ച ചിത്രം കൂടിയാണിത്. തിരക്കഥ- അമൽ മോഹൻ. ചായാഗ്രഹണം- ടോജോ തോമസ്. പ്രൊജക്റ്റ്‌ കോർഡിനേറ്റർ- കെ.ജെ ഫിലിപ്പ്. കാസ്റ്റിംഗ് ഡയറക്ടർ- ജോൺ ടി ജോർജ്. പ്രോജക്ട് ഡിസൈനർ- വിഷ്ണു ശിവ പ്രദീപ്. ടെക്നിക്കൽ കൺസൾറ്റന്റ്- നിധിൻ മോളിക്കൽ. സംഗീതം, പശ്ചാത്തല സംഗീതം- അജിത് മാത്യു. വരികൾ- റ്റിറ്റോ.പി.തങ്കച്ചൻ
ഗൗരി ലക്ഷ്മി, യാസിൻ നിസാർ, നക്ഷത്ര സന്തോഷ്‌, അഫീദ് ഷാ എന്നിവരാണ് ഗാനങ്ങൾ ആലപിച്ചിരിക്കുന്നത്.
