ഇന്ത്യയിലെ ജനപ്രീതിയുള്ള നായികമാരുടെ പട്ടികയില്‍ ബോളിവുഡ് നടി ആലിയ ഭട്ടിനെ പിന്‍തളളി തെന്നിന്ത്യയുടെ പ്രിയനായിക. തെന്നിന്ത്യന്‍ താര സുന്ദരി സാമന്തയാണ് താരങ്ങളില്‍ ഒന്നാമതെത്തിയത്. ജൂലൈയില്‍ രണ്ടാമതുണ്ടായിരുന്ന സാമന്ത ഓഗസ്റ്റിലാണ് ഒന്നാമത് എത്തിയത്.
മൂന്നാം സ്ഥാനത്ത് ഇന്ത്യന്‍ നായികാ താരങ്ങളില്‍ ദീപിക പദുക്കോണാണ്. അടുത്തിടെ കല്‍ക്കി 2898 എഡി സിനിമയുടെ വിജയത്തിന്റെ തിളക്കത്തിലാണ് ദീപിക പദുക്കോണ്‍ താരങ്ങളില്‍ മൂന്നാമത് എത്തിയത്.
നാലാം സ്ഥാനത്തേയ്ക്ക് മലയാളി നായികാ താരം നയന്‍താരയാണ്. അഞ്ചാം സ്ഥാനത്ത് കാജല്‍ അഗര്‍വാളാണ്. സ്ത്രീ 2ന്റെ വിജയത്തോടെ ഇന്ത്യന്‍ താരങ്ങളില്‍ ആറാം സ്ഥാനത്ത് ശ്രദ്ധാ കപൂറെത്തിയിരിക്കുകയാണ്.
തെന്നിന്ത്യയുടെ പ്രിയപ്പെട്ട നായിക തൃഷ താരങ്ങളില്‍ എഴാം സ്ഥാനത്തുണ്ട്. തൃഷയ്ക്ക് പിന്നില്‍ കത്രീന കൈഫാണ്. ഒമ്പതാം സ്ഥാനത്ത് രശ്മിക മന്ദാനയാണ് താരങ്ങളില്‍ ഇടം നേടിയിരിക്കുന്നത് എന്നാണ് റിപ്പോര്‍ട്ട്. പത്താമത് കൈറ അദ്വാനി എത്തിയിരിക്കുന്നതും താരങ്ങളുടെ പട്ടികയുടെ പ്രത്യേകതയാണ്.
