ടോവിനോയെ നായകനാക്കി ഒരുക്കുന്ന ‘തന്ത വൈബിലൂടെ’ വീണ്ടും സംവിധായകനാകാനൊരുങ്ങി മുഹ്സിന് പരാരി. നീണ്ട 10 വര്‍ഷത്തിന് ശേഷമാണ് സംവിധായകന്റെ റോളിൽ വീണ്ടും മുഹ്സിന് പരാരി എത്തുന്നത്. 2015ല്‍ ഉണ്ണി മുകുന്ദനെ നായകനാക്കി ഒരുക്കിയ ‘കെഎല്‍ 10 പത്ത്’ സിനിമയ്ക്ക് ശേഷം മുഹ്സിന് പരാരി ഒരുക്കുന്ന ചിത്രമാണിത്. തന്ത വൈബ് ചിത്രത്തിന്റെ ടൈറ്റില്‍ പോസ്റ്റര്‍ പുറത്തുവിട്ടാണ് പുതിയ ചിത്രം മുഹ്സിന് പ്രഖ്യാപിച്ചിരിക്കുന്നത്.‘
നിങ്ങളുടെ ഉള്ളിലെ കുട്ടിക്ക് എത്ര വയസ്സായി’ എന്ന ടാഗ് ലൈനോടെയാണ് പോസ്റ്റര്‍ പങ്കുവെച്ചിരിക്കുന്നത്. സിനിമയ്ക്ക് സംഗീതം ഒരുക്കുന്നത് വിഷ്ണു വിജയ് ആണ് .നിരവധി സിനിമകള്‍ക്ക് ഗാനങ്ങള്‍ എഴുതിയ മുഹ്സിന് പെരാരി പാട്ടെഴുത്തില്‍ നിന്ന് ഇടവേളയെടുത്ത വിവരം ആരാധകരെ അറിയിച്ചിരുന്നു. നസ്രിയ- ബേസില്‍ ചിത്രമായ ‘സൂക്ഷദര്‍ശിനി’യിലെ ദുരൂഹമന്ദഹാസമാണ് മുഹ്സിന് എഴുതി പുറത്തിറങ്ങിയ അവസാന ഗാനം.
