കൊച്ചി: പാലാരിവട്ടത്ത് ബൈപ്പാസ് റോഡിന് സമീപത്തെ വാഹന ഗ്യാരേജിന് തീപിടിച്ചു. ഗ്യാരേജിലെ പെയിന്റ് ഗോഡൗണിനും സമീപത്ത് ഉണ്ടായിരുന്ന മറ്റ് സാധന സാമഗ്രികള്‍ക്കുമാണ് തീപിടിച്ചത്. ശക്തമായി തീ പടര്‍ന്നതോടെ ഗ്യാരേജില്‍ ഉണ്ടായിരുന്ന ഏതാനും വാഹനങ്ങള്‍ക്കും കേടുപാടുകള്‍ സംഭവിച്ചു.
പ്രദേശത്ത് ഉണ്ടായിരുന്ന ആളുകള്‍ ഉടന്‍ തന്നെ പോലീസിനെയും ഫയര്‍ഫോഴ്സിനെയും അറിയിക്കുകയായിരുന്നു. പാലാരിവട്ടം പോലീസും തൃക്കാക്കര, ഗാന്ധിനഗര്‍ എന്നിവിടങ്ങളില്‍ നിന്നായി രണ്ട് യൂണിറ്റ് ഫയര്‍ഫോഴ്‌സും എത്തി. രണ്ടുമണിക്കൂര്‍ നീണ്ട പരിശ്രമത്തിനൊടുവിലാണ് തീയണച്ചത്.
