വെഞ്ഞാറമ്മൂട് കൂട്ടകൊലപാതകം: കൂടുതൽ വെളിപ്പെടുത്തലുമായി പിതാവ് അബ്ദുൽ റഹീം

തിരുവനന്തപുരം:കുടുംബത്തിനു  വലിയ  രീതിയിലുള്ള  സാമ്പത്തിക  ബാധ്യത  ഇല്ലായിരുന്നെന്ന്  വെഞ്ഞാറമൂട്  കൂട്ടക്കൊലക്കേസ്   പ്രതി അഫാന്റെ  പിതാവ് അബ്ദുൽ റഹീം. എന്നാൽ പെൺ‍സുഹൃത്തിനെയടക്കം അഞ്ച് പേരുടെ കൂട്ടക്കൊലയ്ക്ക് പിന്നിൽ സാമ്പത്തിക ബാധ്യതയാണെന്നാണ് പൊലീസിന്റെ കണ്ടെത്തൽ. കൂടാതെ 65 ലക്ഷത്തോളം രൂപ കടമുണ്ടെന്നായിരുന്നു പ്രതി അഫാൻ പൊലീസിന് നൽകിയ മൊഴി.ഫർസാനയും അഫാനുമായുള്ള ബന്ധം റഹീമിന് അറിയാമായിരുന്നു. അഫാൻ പണയംവച്ച ഫർസാനയുടെ സ്വർണം എടുക്കാൻ അടുത്തിടെ 60,000 രൂപ അയച്ചു കൊടുത്തിരുന്നു. 

തനിക്കുണ്ടായ സാമ്പത്തിക ബുദ്ധിമുട്ട് ഒരുതരത്തിലും മകനെ അറിയിച്ചിരുന്നില്ലെന്നും റഹീം പറയുന്നു. അതേസമയം ആക്രമണത്തിൽ പരുക്കേറ്റ   ഭാര്യ ഷമീനയുടെ ആരോഗ്യനിലയില്‍ പുരോഗതിയുണ്ടെന്നും അബ്ദുൽ റഹീം പറഞ്ഞു. അതേസമയം, മകൻ ആക്രമിച്ച വിവരം മറച്ചുവച്ചാണ് അഫാന്റെ അമ്മ ഷമീന മജിസ്ട്രേട്ടിനു  മൊഴി നൽകിയത്. കട്ടിൽനിന്നു വീണ് പരുക്കേറ്റതെന്ന് മൊഴിയിൽ ആവർത്തിച്ചു.