വയനാട്: ദുരന്ത ബാധിതരുടെ പുനരധിവാസത്തിനായി ഭൂമി ഏറ്റെടുക്കുന്നതുമായി ബന്ധപെട്ട് ഹാരിസൺസ് മലയാളം ലിമിറ്റഡ് നൽകിയ അപ്പീലിൽ പ്രതിഷേധവുമായി സി പി എം. വയനാട് ഓഫീസിലേക്ക് സിപിഎം മാർച്ച് നടത്തി പ്രതിഷേധിക്കും.
പുനരധിവാസത്തിനായി തങ്ങളുടെ കൈവശമുളള ഭൂമി സർക്കാരിന് കൈമാറാൻ നിർദേശിച്ചുളള ഹൈക്കോടതി സിംഗിൾ ബെഞ്ച് ഉത്തരവ് റദ്ദാക്കണമെന്നാണ് ഹർജി. തങ്ങളുടെ ഭൂമി ദീർഘകാലത്തേക്ക് കൈമാറണമെന്ന ഉത്തരവ് നിയമവിരുദ്ധമാണ്. നഷ്ടപരിഹാരം നൽകാതെയാണ് സർക്കാർ മുന്നോട്ടുപോകുന്നത്. സർക്കാർ ഔദ്യോഗിക ആശയവിനിമയം നടത്തുന്നില്ലെന്നും ഹാരിസൺ ഹർജിയിൽ പറയുന്നു.
