തിരുവനന്തപുരം: ബാലരാമപുരത്ത് പിക് അപ് വാന്‍ ബൈക്കിന് പിന്നിലിടിച്ച്‌ പാല്‍ കച്ചവടക്കാരൻ മരിച്ചു. അവണാകുഴി രാമപുരം കെ.ആര്‍.നിവാസില്‍ ആർ.എസ്. കുമാര്‍(50) മരിച്ചത്. ബാലരാമപുരം കൊടി നടയ്ക്ക് സമീപം ദേശീയ പാതയിലായിരുന്നു അപകടം. പാലുമായി തിരുവനന്തപുരം ഭാഗത്തേക്ക് പോകുകയായിരുന്ന ബൈക്കിന് പിന്നില്‍ മീനുമായി വന്ന പിക്‌അപ് വാഹനം ഇടിച്ചു കയറുകയായിരുന്നു.
ഇടിയുടെ ആഘാതത്തില്‍ ഗുരുതരമായി പരിക്കേറ്റ കുമാറിനെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. പിക്‌അപ് വാന്‍ അമിത വേഗതയിലായിരുന്നതാണ് അപകട കാരണമെന്ന് പ്രദേശത്തുണ്ടായിരുന്നവര്‍ പൊലീസിനെ അറിയിച്ചു.
