മുട്ടം: അരുവിക്കുത്ത് വെള്ളച്ചാട്ടത്തിൽ മുങ്ങി മരിച്ച എഞ്ചിനീയറിങ് വിദ്യാർത്ഥികളുടെ മരണം മുങ്ങിമരണം ആണെന്നും ദുരൂഹത ഇല്ലെന്നും പോസ്റ്റ്മോർട്ടം റിപ്പോർട്ട്. മരണത്തിൽ അസ്വഭാവികത ഇല്ലെന്നാണ് റിപ്പോർട്ട്.
മൂന്നാം വർഷ കംപ്യൂട്ടർ സയൻസ് വിദ്യാർഥി ഇടുക്കി മുരിക്കാശ്ശേരി കൊച്ചുകരോട്ട് ഡോണൽ ഷാജി (22), സൈബർ സെക്യൂരിറ്റി ഒന്നാം വർഷ വിദ്യാർഥിനി കൊല്ലം തലവൂർ മഞ്ഞക്കാല പള്ളിക്കിഴക്കേതിൽ അക്സാ റെജി (18) എന്നിവരെയാണ് ശനിയാഴ്ച അരുവിക്കുത്ത് വെള്ളച്ചാട്ടത്തിൽ മരിച്ച നിലയിൽ കണ്ടെത്തിയത്.
മരിച്ച ഡോണൽ ഷാജിയുടെ ചുണ്ടിലും രണ്ട് ചെവികളിലും കണ്ണിലും മുറിവുകളുണ്ടായിരുന്നു. എന്നാൽ ഇത് മീൻ കൊത്തിയതാണെന്ന് പോസ്റ്റുമോർട്ടത്തിൽ വ്യക്തമായതായി പോലീസ് പറഞ്ഞു.
