രാഷ്ട്രീയ പാര്‍ട്ടിയായ തമിഴ് വെട്രി കഴകത്തിന്റെ പതാക പുറത്തിറക്കി നടന്‍ വിജയ്.ഇന്ന് രാവിലെ 9.30 ഓടെ ചെന്നൈയിലാണ് താരം പതാക പുറത്തിറക്കിയത്.തുടര്‍ന്ന് ചെന്നൈയിലെ പാര്‍ട്ടി ഓഫീസില്‍ വച്ച് നേതാക്കള്‍ക്കും പ്രവര്‍ത്തകര്‍ക്കുമൊപ്പം പ്രതിജ്ഞ ചൊല്ലി.ചുവപ്പ്,മഞ്ഞ,നിറങ്ങളും രണ്ട് ആനകളുടെ ചിത്രങ്ങളും അടങ്ങുന്നതാണ് പതാക.സംഗീതജ്ഞന്‍ എസ് തമന്‍ ചിട്ടപ്പെടുത്തിയ പാര്‍ട്ടി ഗാനവും ചടങ്ങില്‍ പരിചയപ്പെടുത്തി.2026-ലെ നിയമസഭാ തിരഞ്ഞെടുപ്പ് ലക്ഷ്യമിട്ടാണ് വിജയ്‌യുടെ നീക്കം.
തമിഴ്‌നാട്,കേരളം,പുതുച്ചേരി,കര്‍ണ്ണാടക എന്നിവിടങ്ങളിലെ പ്രവര്‍ത്തകരും ചെന്നൈ പനയൂരിലുളള പാര്‍ട്ടി ആസ്ഥാനത്ത് നടന്ന പരിപാടിയില്‍ പങ്കെടുത്തു.പാര്‍ട്ടിയുടെ ആദ്യ സംസ്ഥാന സമ്മേളനം സെപ്തംബര്‍ 22-ന് വിക്രവാണ്ടിയില്‍ നടത്തുമെന്നും സൂചനയുണ്ട്.അതിനുശേഷം വിജയ് സംസ്ഥാനപര്യാടനം നടത്തും.
