സംവിധായകനാകാനൊരുങ്ങി ഷാരൂഖ് ഖാന്റെ മകൻ ആര്യൻ ഖാൻ. ആദ്യ സംവിധാന സംരംഭത്തിന് നെറ്റ്ഫ്ലിക്സുമായി കൈകോർത്തു. നെറ്റ്ഫ്ലിക്സും റെഡ് ചില്ലീസ് എന്റർടെയ്ൻമെന്റും സംയുക്തമായി നിർമ്മിക്കുന്ന സീരീസ് ആണ് ആര്യൻ സംവിധാനം ചെയ്യുന്നത്. പ്രോജക്ടിനെക്കുറിച്ചുള്ള കൂടുതൽ വിവരങ്ങൾ വരും ദിവസങ്ങളിൽ വെളിപ്പെടുത്തും.
താരപുത്രൻ സംവിധാന രംഗത്തേക്ക് എത്തുമെന്ന് നേരത്തെ റിപോർട്ടുകൾ ഉണ്ടായിരുന്നെങ്കിലും ഔദ്യോഗിക സ്ഥിരീകരണം വന്നത് ഇപ്പോഴാണ് . ഷാരൂഖ് ഖാൻ തന്നെയാണ് ഔദ്യോഗിക പ്രഖ്യാപനം നടത്തിയത്.
റെഡ് ചില്ലീസ് എന്റർടെയ്ൻമെന്റിന്റെ ബാനറിൽ ഗൗരി ഖാൻ നിർമിക്കുന്ന സീരീസിന് ഇതുവരെ പേരിട്ടിട്ടില്ല. സമൂഹമാധ്യമമായ എക്‌സിലൂടെയാണ് ഷാരൂഖ് ഈ സന്തോഷവാർത്ത ആരാധകർക്കായി പങ്കുവെച്ചത്.
