തിരുവനന്തപുരം: ഭാസ്കര കാരണവര്‍ വധക്കേസ് പ്രതി ഷെറിന് മോചനം. 14 വര്‍ഷം ശിക്ഷ പൂര്‍ത്തിയാക്കിയ സാഹചര്യത്തിലാണ് മോചനം. ജീവപര്യന്തം തടവിനാണ് ഷെറിന് ശിക്ഷിക്കപ്പെട്ടത്. ഇത് 14 വര്‍ഷമായി ഇളവ് ചെയ്യാനാണ് മന്ത്രിസഭാ യോഗത്തില്‍ തീരുമാനമായത്. സ്ത്രീയെന്ന പരിഗണന നല്‍കണമെന്ന് ഷെറിന് സമര്‍പ്പിച്ച അപേക്ഷയും പരിഗണിച്ചാണ് ശിക്ഷയില്‍ ഇളവ് അനുവദിച്ചത്.
2009 നവംബര്‍ എട്ടിനാണ് കൊലപാതകം നടന്നത്. ചെങ്ങന്നൂര്‍ കാരണവേഴ്‌സ് വില്ലയിലെ ഭാസ്കര കാരണവരെയാണ് മരുമകളായ ഷെറിനും കാമുകനും ചേര്‍ന്ന് കൊലപ്പെടുത്തിയത്. ഷെറിന്റെ ബന്ധങ്ങള്‍ ഭാസ്കര കാരണവര്‍ എതിര്‍ത്തതായിരുന്നു കൊലപതാകത്തിൽ കലാശിച്ചത്.
കേസിലെ ഒന്നാം പ്രതിയാണ് ഷെറിന്. ശിക്ഷ കാലാവധി പൂര്‍ത്തിയായി സാഹചര്യത്തില്‍ ഷെറിന് നേരത്തെ നല്‍കിയ പരാതി കൂടി പരിഗണിച്ചാണ് ഇപ്പോള്‍ ഇളവ് നല്‍കാനുള്ള തീരുമാനമെടുത്തത്.
