വരുന്ന തിരഞ്ഞെടുപ്പില്‍ 80% തദ്ദേശ സ്ഥാപനങ്ങളിലും വിജയിക്കാന്‍ കോൺഗ്രസ് പാർട്ടി തയാറെന്ന് തിപക്ഷ നേതാവ് വി ഡി സതീശന്‍. എറണാകുളം ജില്ലയിലെ കോണ്‍ഗ്രസ് ബൂത്ത് പ്രസിഡന്റുമാരുടെ ‘നവജാഗരണ്‍’ യോഗത്തില്‍ സംസാരിക്കുകയായിരുന്നു അദ്ദേഹം .
പ്രവര്‍ത്തകര്‍ തങ്ങളുടെ സംഘടന ഉത്തരവാദിത്തങ്ങള്‍ നിര്‍വഹിക്കുകയാണെങ്കില്‍ ജില്ലയില്‍ വലിയ മുന്നേറ്റമുണ്ടാക്കാന്‍ കഴിയും എന്നും, ജനങ്ങള്‍ ഇടതുമുന്നണി സര്‍ക്കാരിനാല്‍ മനംമടുത്തിരിക്കുകയാണെന്നും വി ഡി സതീശന്‍ പറഞ്ഞു. യോഗത്തിൽ ഡിസിസി അദ്ധ്യക്ഷന്‍ മുഹമ്മദ് ഷിയാസ് അധ്യക്ഷനായി.എംപിമാരായ ബെന്നി ബെഹ്‌നാന്‍, ഹൈബി ഈഡന്‍, എംഎല്‍എമാരായ കെ ബാബു, ടി ജെ വിനോദ്, അന്‍വര്‍ സാദത്ത്, മാത്യു കുഴല്‍നാടന്‍, എല്‍ദോസ് കുന്നപ്പള്ളി എന്നിവരും യോഗത്തിൽ പങ്കെടുത്തു.
