കൊച്ചി: കേന്ദ്രമന്ത്രി സുരേഷ് ഗോപിയുടെ ഒറ്റ തന്ത പ്രയോഗത്തില്‍ പ്രതികരണവുമായി മന്ത്രി മുഹമ്മദ് റിയാസ്. രാഷ്രീയത്തില്‍ ഒറ്റ തന്ത പ്രയോഗത്തിനു മറുപടി ഇല്ലെന്നും സിനിമയില്‍ പറ്റുമെന്നുമാണ് റിയാസിന്റെ മറുപടി. സിബിഐക്ക് വിശേഷണം കൂട്ടില്‍ അടച്ച തത്ത എന്നാണെന്നും റിയാസ് പ്രതികരിച്ചു.
യുഡിഎഫ് പതിവു പോലെ സുരേഷ് ഗോപിയുടെ മാര്‍ക്കറ്റിംഗ് മാനേജര്‍ ആവുകയാണ്. തൃശൂരില്‍ സുരേഷ് ഗോപിയുടെ വിജയത്തിന്റെ തന്ത ബിജെപി മാത്രമല്ല, കോണ്‍ഗ്രസും ഉണ്ടെന്ന് റിയാസ് വിമര്‍ശിച്ചു. തൃശൂരിലെ സുരേഷ് ഗോപിയുടെ വിജയത്തിന്റെ ഡിഎന്‍എ ടെസ്റ്റ് ഫലം പുറത്ത് വിട്ടോ. അപ്പോള്‍ അറിയാം കാര്യങ്ങളെന്നും മുഹമ്മദ് റിയാസ് പറഞ്ഞു.
